တစ်မိုးအောက်

မြေကမ္ဘာကြီးရဲ့အပေါ်
ကောင်းကင်တစ်ခုတည်းအောက်
ရှင်သန်ခွင့်တူညီနေသရွေ့
မဝေးဘူးဆိုပေမယ့်လည်း….

ချစ်ခြင်းတွေ ရှင်းသန့်နေရင်
တို့နှစ်ယောက်ရဲ့ကြား
ဘယ်လိုအရာနဲ့မျိုးနဲ့မှ
ကာဆီးမထားဘူးဆိုပေမယ့်လည်း…

အနားမှာအတူရှိမနေတာကလွဲရင်
ပျော်ရွှင်ခြင်း၊ ၀မ်းနည်းခြင်း၊
ပြည့်စုံခြင်း၊ လိုအပ်ခြင်း
အားလုံးကို ထပ်တူဆိုပေမယ့်လည်း

မောင်ရေ
ကျွန်မရင်ထဲက အလွမ်းတွေကို…
စာနာနားလည်ဖို့ အခွင့်ရှိမယ်ဆိုရင်
တစ်မိုးအောက်မှာ နေခွင့်ပြုပါနော်…။

ရင်ငြိမ်းပန်း(ပခုက္ကူ)
18-3-10 (17:14)

ပန်းပွင့်အမုန်း

ရင်နဲ့ရင်းကာ

ပေးအပ်လိုက်သော

ချစ်ခြင်းများတွက်

ပြန်ရလိုက်သော…..

အမုန်းများ……

ပန်းသို့ပြောင်းကာ

လောကအားလုံး

ရနံ့သင်းပျံ့

စေသတည်း……….။

အလွမ်းကဏ္ဍ

ရင်နဲ့မမျှ
လွမ်းရတာတွေ
ဖွင့်လှစ်အန်ချ
ဒီပို့စ်လေးမှ
လွှင့်ထုတ်လိုက်သည်
နှလုံးသားမှတဆင့်
ရေဒါကိုဖွင့်
နားစွင့်ပါ……….။

ရင်ငြိမ်းပန်း(ပခုက္ကူ)

ပလပ်စတစ် ဒိုင်ယာရီ

ကောင်မလေးရယ်…
အဆုံးမဲ့တဲ့ သံယောဇဉ်နဲ့
အကြင်နာတွေ ယိုဖိတ်
ဒီရင်က အချစ်စိတ်တွေကို
တိက်တိက်လေး ၀န်ခံ
ကိုယ့်စိတ် ကိုယ်ပြန်ဝေဖန်ရင်း
ခြေလှမ်းတွေ နောက်ဆုတ်ခဲ့ရတာ……….

တကယ်ဆို
ငါ့ရဲ့ စိတ်တွေကိုက
မြေကြီးကို ထိုးခွဲထွက်ရတဲ့
မှိုတစ်ပွင့်ရဲ့ ထိပ်ဖူးလို
ပျော့မလိုလိုနဲ့ မာရင်း…
မာသယောင်ယောင်နဲ့ ပျော့နေခဲ့တာ..

မိုးကုပ်စက်ဝိုင်းထဲက
မြက်ရိုင်းတစ်ပင်ရဲ့ ပိုင်ဆိုင်မှုမှာ
ကောင်းကင်ကို နမ်းရှိုက်ခွင့်မပါလို့
ခပ်ဖွဖွ ပင့်သက်ရှိုက်သံတွေကြားမှာ
မြစ်တစ်စင်းနဲ့ပဲ……ငါ
စကားတွေ ပြောနေခဲ့ရတာ……

ကောင်းကင်ဆီကနေ ရုန်းထွက်လို့မရနိုင်တဲ့
မျက်ဝန်းနက်နက်တွေရဲ့ အဆုံး
ထစ်ချုန်းလို့ ရွာချလိုက်တဲ့ မိုးက
ပြဇာတ်တစ်ပုဒ်ရဲ့ နိဂုံးကို
အရှုံးတွေနဲ့ အဆုံးသတ်လိုက်တာ……..

ကောင်မလေးရေ…
မတူညီတဲ့ အခြေခံနဲ့
သံယောဇဉ် ထပ်ညွှန်းလေးတွေရဲ့ အကြောင်း
ကဗျာလေးတွေအဖြစ် ပြောင်းရင်း..
ခပ်သော့သော့ လက်ရေးတစ်ချို့…
မပို့ဖြစ်သော စာအိတ်တွေ….
လက်ဖျံနားက အမာရွတ်တစ်ခု…
ဆီမရှိတော့သော မီးခြစ်တစ်လုံး….
……..တို့နဲ့အတူ
တစ်နေ့မှာတော့ မင်းကိုငါ..
မေ့ကောင်းမေ့သွားမှာပါ………

…………..
…………..
…………..

သို့တည်းမဟုတ်
ဆုံဆည်းခွင့် မရသည့်တိုင်အောင်
ကောင်းကင်နဲ့ ထာဝစဉ်
မျက်နှာချင်းဆိုင်ခွင့်တော့ ရှိတာပဲလို့
နှစ်သိမ့်တွေးလေး တွေးရင်း..
မသောက်ဖြစ်ခဲ့သော…
စီးကရက်တို့နဲ့အတူ…..
အသက်ရှုတိုင်းမှာ….. နင့်ကိုငါ..
လွမ်းကောင်းလွမ်းနေမှာပါ..။ ။

ပလပ်စတစ်

ခွဲခွာချိန်

ရင်ထဲမှာ နာကျင်လွန်းလို့
စကားတစ်ခွန်းတောင် မပြောချင်ဘူး
”ကျန်းမာရေးကို ဂရုစိုက်.
သတိရရင် စာရေး”
မင်း ပြောခဲ့တဲ့ စကား……
ငါ ခုထိ ကြားယောင်ဆဲပါ.။

စိတ်မကောင်းဘူး ချစ်သူရယ်
ငါ ကြိုးစားဖန်တီးပေမယ့်
အရည်ကြည်ဝိုင်းတဲ့ မျက်လုံးတွေနဲ့မို့
အပြုံးဆိုတာ…
မပီပြင်ခဲ့ဘူး………။

ရခဲလှတဲ့ အတူရှိနေချိန်တွေရဲ့
နောက်ဆုံးမိနစ်တွေမှာ
မလွှတ်တမ်း ဆုပ်ကိုင်ခဲ့ကြတဲ့..
တို့နှစ်ယောက်လုံးရဲ့ လက်တွေဟာ
ဘာလို့ အေးစက်နေရတာလဲ..။

ကားဟွန်းတီးသံ၊ စကားပြောသံ
အော်ဟစ်ဆူညံသံတွေရဲ့ ကြားမှာ
ငါတို့နှစ်ယောက်ရဲ့ ကမ္ဘာက
ဘာလို့များ……
တိက်ဆိတ်နေခဲ့တာလဲ..။

တွဲလက်ကိုဖြူတ်ပြီး
မင်းကို ကျောပေးလိုက်ချိန်မှာ
ငါ့ ပါတ်ဝန်းကျင်တစ်ခုလုံး
အောက်ဆီဂျင်တွေ ပျောက်ဆုံးသလိုမျိုး
ရင်ထဲမှာ မွန်းကျပ်…
ကလေးတစ်ယောက်လို အော်ငိုမိမတက်ပါပဲ..။

အနားမှာ အမြဲအတူနေချင်ပေမယ့်
မဖြစ်နိုင်သော.. မဖြစ်သင့်သော..
…………………..သော
ခေါင်းစဉ်ပေါင်းများစွာနဲ့
နင်နဲ့ငါ ခွဲရဦးမယ်….။

ချစ်သူရေ
ပြန်မဆုံသေးခင်အချိန်အထိ
တစ်ယောက်တစ်နေရာစီနေ
တို့…..
သတိတွေ ရနေကြမယ်နော်…….။ ။

ရင်ငြိမ်းပန်း( ပခုက္ကူ)

အသည်းကွဲ ဝေဒနာ

အတွေ့အကြုံတဲ့လား

အရသာက ခါးသက်လိုက်တာ

တစ်ဘ၀စာ သေရာပါတဲ့အထိ

ရင်ဘတ်မှာ ငြိခဲ့တာက ခက်တယ်….။

ရင်ငြိမ်းပန်း(ပခုက္ကူ) 

တစ်လမ်းသွား

ချစ်သူ
ကိုယ်တိုင်က လိုလိုလားလား
မှားယွင်းခဲ့တာမို့
အပြစ်လို့လဲ မယူရက်ခဲ့ပါဘူး

ငါ့စိတ်၊ ငါ့ဝိဥာဉ်ကို
အပိုင်စားပေးခဲ့ပြီးပြီပဲ
ကျန်တာတွေလဲ အရေးမကြီးတော့ပါဘူး

မင်းဘ၀ရဲ့ ဘယ်အခန်းကဏ္ဍမှာ
ငါရှိနေမလဲ ငါမသိချင်ဘူး
မင်းပေးလာမယ့် ၀တ္တရားဆန်ဆန်
တာဝန်ကျေပွန်မှုကိုလဲ ငါ မရချင်ဘူး
ပုံဝေမူဝါဒတစ်ခုနဲ့
ခေါက်ရိုးကျိုး ဦးနှောက်တစ်စုံကိုလဲ
ငါ မရချင်ဘူး ချစ်သူ

မင်းဆီကထက်
မင်းဆီကိုပဲ ငါ စီးဆင်းချင်ခဲ့တာ
ဟားဗတ်တက္ကသိုလ်ဝင်ခွင့်ထက်
မင်း အနမ်းတစ်ချက်ကိုပဲ ပိုမက်ခဲ့တာ
ပစ္စည်းဥစ္စာ ပိုင်ဆိုင်မှုထက်
မင်းဘေးနားမှာပဲ ရှိချင်ခဲ့တာ

တစ်ဦးတစ်ယောက်ကမှ
သွေးမဆောင်ပဲနဲ့
ငါကိုယ်တိုင်က
ဒီလမ်းကို လျှောက်ချင်ခဲ့တာ..

နောက်ပြန်လှည့်လို့ မရတဲ့
ဘ၀ရဲ့ တစ်လမ်းသွားစနစ်မှာ
ရလဒ်က ဖြူချင်ဖြူ၊ မဲချင်မဲ
ငါကတော့ ကျေနပ်လက်ခံသွားမှာပဲ

တန်ဖိုးဆိုတာ
ပိုင်ဆိုင်သူရဲ့ သတ်မှတ်ချက်တစ်ခုမို့
မင်းအတွက် ငါဟာ
သုညလည်း ဖြစ်နေနိုင်တယ်

ဘာပဲဖြစ်ဖြစ်ပါ
မင်းရဲ့ အတ္တနဲ့ ဆန္ဒအတွက်
ငါ့ရဲ့ အချစ်ကို စတေးခဲ့ပြီးပြီ
ဘ၀ရဲ့ ကျန်နေသေးတဲ့ အစိတ်အပိုင်းမှာ
ချစ်ခဲ့ဖူးတယ်ဆိုတဲ့ အသိနဲ့တင်
ငါ နေပျော်တယ်…
ပြီး သေပျော်ပါတယ် ချစ်သူရယ်…………။

ရင်ငြိမ်းပန်း(ပခုက္ကူ)

မေတ္တာနယ်မြေ

မေတ္တာနယ်မြေ
………………..
ဗီစာမလို
ကွန်ယက်မသုံး
တစ်ကမ္ဘာပြုန်းလဲ
ခရီးမဆုံးနိုင်ပါပေ……။

ရင်ငြိမ်းပန်း (ပခုက္ကူ)

လူမိုက်

“မှန်တာလုပ် ဟုတ်တာပြော”
သင်ရိုးညွှန်းတမ်းအပြင်ဖက်မှာ ဒီစကားအတွက်
ခြေတစ်ဖက်ချသာရုံတောင် နေရာမရှိခဲ့….

လည်ပတ်နေတဲ့ ယန္တရားကိုက
ဒီစနစ် ဒီခေတ်ဆိုတော့လည်း
လည်မလိုက်ဘူးဆိုရင် ညပ်ပါသွားရုံ….

“ကျွန်တော်/ကျွန်မကတော့ လိမ်တာကို အမုန်းဆုံးပဲ”
သူသူကိုယ်ကိုယ် ပြောဖြစ်ပေမယ့်
လက်တွေ့ဘ၀မှာ မဆိုစလောက်ကတော့ လိမ်ဖြစ်နေကြတုန်း….

“မုသားမပါ လင်္ကာမချော”

ပထမတစ်ခါကတော့ ကြားကောင်းရုံ..
ဒုတိယတစ်ခါက ဖုံးရုံဖိရုံ….
တတိယတစ်ခါက လိမ်ထားတာ မပေါ်ရုံ……

ကြိမ်ဖန်ရေများလာတော့လဲ
လိမ်တာက လိမ်တာ မဟုတ်တော့သလို

ထမင်းစား ရေသောက် ကျူးလွန်နေကြတာများ

မှန်တဲ့သူက လူမိုက်ကြီးလုံးလုံးကို ဖြစ်လို့…………။ ။

ပလပ်စတစ်(ကလေကချေ)

ဗလာတစ်ယောက်ရဲ့ ခရီး

ကောင်းကင်က ကောင်းကင်
မြေကြီးက မြေကြီး
အရာအားလုံးဟာ ဟိုးအရင်ကလိုပဲ
နေသားတကျ……..။

“ရပ်နေတာနဲ့ စာရင်
သွားနေတာက ရောက်ဖို့ သေချာတယ်”
ဘယ်ကိုလဲ…?
ဘယ်တော့လဲ….?

ငါဆိုတဲ့ မျဉ်းမှာ
မြှားခေါင်းမပါခဲ့လို့
ဦးတည်ရာလဲ မရှိ
သွားနေလားလဲ မသိ…..။

ကိန်းဂဏန်းတွေ……..
အက္ခရာတွေ…….
ဝိသေသတွေ……
ပညတ်ချက်တွေ……..

ဖြောင့်တယ်ဆိုတာကလဲ
ကောက်ကွေ့မှုတွေ ပေါင်းထားတာ
မှန်တယ်ဆိုတာကလဲ
မှားယွင်းမှုတွေ သက်သေပြထားတာ

တည်ရှိတယ်လို့ ထင်ထားတာတွေက မမြဲဘူး…
မမြဲဘူးလို့ ထင်ထားတာတွေက မသေချာဘူး…

ခြေဗလာ၊ လက်ဗလာနဲ့ လာတဲ့ ဘ၀မှာ
အသိဗလာ၊ အတွေးဗလာနဲ့
ထွက်သွားရမှာလဲ ဗလာနဲ့…
…. ဗလာနဲ့။

ပလပ်စတစ် (ကလေကချေ)